AFFA-nın Konfransının gündəliyi açıqlandı

Aprelin 2-də “Bulvar Marriott Hotel”də AFFA-nın Hesabat-Seçki Konfransı keçiriləcək. 

Presssport.az assosiasiyanın rəsmi saytına istinadən xəbər verir ki, saat 10:00-da başlayacaq Konfransın gündəliyinə aşağıdakı məsələlər daxil edilib: 

1. AFFA prezidenti tərəfindən iclasın açıq elan edilməsi 
2. Konfransın tərkibinin yoxlanılması 
3. AFFA-nın baş katibinin hesabat xarakterli məruzəsi 
4. Maliyyə Hesabatları 
5. Müstəqil auditorun hesabatı 
6. AFFA prezidenti vəzifəsinə və İcraiyyə Komitəsinə seçkilərin keçirilməsi

Xatırladaq ki, AFFA-nın 16 ildir prezidenti olan Rövnəq Abdullayev bu dəfə namizədliyini verməyəcək və onun postuna yeganə namizəd SOCAR-ın və “Neftçi”nin rəhbəri Rövşən Nəcəfdi.