Kişi voleybolçular arasında Azərbaycan çempionatının qalibi müəyyənləşib

Kişi voleybolçular arasında Azərbaycan çempionatının qalibi müəyyənləşib.

Presssport.az xəbər verir ki, finalda “Azərreyl” və "Murov Az Terminal" üz-üzə gəlib 

Bakı İdman Sarayında baş tutan qarşılaşma gərgin mübarizə şəraitində keçib.

İlk setdə “Azərreyl” 29:27 hesabı ilə qalib gəlib. Ardıcıl iki setdə "Murov Az Terminal" oyunçuları üstün olublar - 27:25, 25:19.

Dördüncü setdə “Azərreyl” istəyinə çatıb - 32:30.

Həlledici, qızıl setdə (15:13) də üstün olan "Azərreyl" rəqibə 3:2 hesabı ilə qalib gələrək ölkə çempionu adına sahib çıxıb.

Onu da bildirək ki, 3-cü yer uğrunda görüşdə "Neftçi" MOİK-ə qalib gələrək (3:0) bürünc medal əldə edib.