Bakı kənd və qəsəbələri arasında ll minifutbol turnirində yarımfinalçılar müəyyənləşib

Bakı kənd və qəsəbələri arasında ll minifutbol turnirində 1/4 final mərhələsinin oyunları keçirilib. Presssport.az xəbər verir ki, Gənclər və İdman Nazirliyi, Azərbaycan Futbol Federasiyaları Assosiasiyası və Bakı Abadlıq Xidmətinin birgə təşkilatçılığı ilə keçirilən yarışlarda 8 kənd və qəsəbənin 2012-2013-cü il təvəllüdlü uşaqlardan ibarət futbol komandaları mübarizə aparır.

1/4 final mərhələsinin ilk günündə "Günəşli" və "Şağan" görüşüb. Matç "Günəşli"nin qalibiyyəti ilə yekunlaşıb - 3:0. Növbəti görüşdə "Qaraçuxur" “Mərdəkan”a 2:5 hesabı ilə uduzub.

Yarışın ikinci günündə 1/4 final mərhələsinin növbəti oyunları keçirilib. "Zabrat" və "Biləcəri" arasında baş tutan matçda ikincilər qalib olub - 1:0. "Sabunçu" “Aşağı Güzdək”ə 1:3 hesabı ilə məğlub olub. 

Qalib komandalar yarımfinal mərhələsinə vəsiqə qazanıblar.