İmişlidə turun mərkəzi matçından öncə konsert proqramı təşkil olunacaq, uduşlu oyun keçiriləcək

I Liqada növbəti - XXV turun mərkəzi matçı İmişlidə olacaq.

Presssport.az xəbər verir ki, lider “Qarabağ Lökbatan” turnir cədvəlində 3-cü pillədə gedən "İmişli" qonağı olacaq.

İmişlilər sona 3 tur qalmış 6 xal geridə qaldığı bu rəqibi evdə məğlub etsə, çempionluq şansını saxlayacaq. 

Klub bu vacib matçla bağlı “Facebook”dakı rəsmi səhifəsiylə azarkeşlərə müraciət edib: "Əziz İmişlililər, mayın 9-u saat 16:00-da hər birinizi “İmişli” - “Qaradağ Lökbatan” oyununda komandamıza dəstək olmağa dəvət edirik!

Oyundan əvvəl konsert proqramı təşkil olunacaq, oyundan sonra isə uduşlu oyun keçiriləcək və 9 qalibə hədiyyələr təqdim olunacaq.

Biletləri stadionun kassalarından və poçtun qarşısındakı kioskdan əldə edə bilərsiniz.

Elə indi biletini al, həm komandana dəstək ol, həm də əylən!"