"Sumqayıt"ın mövsümün son matçında "Açıq qapı"

Azərbaycan Premyer Liqasının sonuncu - XXXVI turu çərçivəsində keçiriləcək "Sumqayıt" - "Qəbələ" matçına giriş pulsuz olacaq.

Presssport.az Sumqayıt klubunun mətbuat xidmətinə istinadən xəbər verir ki, meydannsahibləri "Qəbələ" ilə keçiriləcək matçın mövsümün sonuncu və ən vacib oyun olması ilə əlaqədar “Açıq qapı” elan edib.

Xatırladaq ki, mayın 25-i Mehdi Hüseynzadə adına Sumqayıt şəhər stadionunda baş tutacaq qarşılaşmanın start fiti saat 19:00-da səslənəcək.