Qadın boksçumuzu Paris-2024-dən 1 qələbə ayırır

Azərbaycanın qadın boksçusu Zeynəb Rəhimova Tailandın paytaxtı Banqkokda keçirilən II Dünya Olimpiya Təsnifat Turnirində 1/4 finala yüksəlib.

Boks Federasiyasından Presssport.az-a verilən məlumata görə, 54 kq çəki dərəcəsində mübarizə aparan millimizin üzvü 1/8 finalda Ornella Havyarimanı 5:0 (30:27, 30:27, 30:27, 30:27, 30:26) hesabı ilə məğlub edib.

Rəhimova növbəti görüşündə Aeji İm (Koreya Respublikası) ilə qarşılaşacaq. O, qələbə qazanacağı halda, Paris-2024 Yay Olimpiya Oyunlarına növbəti lisenziyamızı rəsmiləşdirəcək. Döyüş iyunun 2-də olacaq.

Onu da bildirək ki, yarışın son günündə Alfonso Dominqes (92 kq) də rinqə çıxacaq.