MOİK baş məşqçisini dəyişdi - Kramarenkonun taleyi necə olacaq?

Moskva MOİK-ində baş məşqçi dəyişikliyi baş verib. 

Presssport.az xəbər verir ki, Rusiya təmsilçisi rəsmi sayı vasitəsilə Vladimir Fedotovu istefa göndərdiyini və onu Marko Nikoliçlə əvəzlədiyini açıqlayıb.

Belə ki, ordu klubu 2020-21-ci illər aralığında digər Moskva təmsilçisi - "Lokomotiv"i çalışdırmış serbiyalı mütəxəssislə razılığa gəldiklərini və yaxın günlərdə münasibətləri rəsmiləşdirəcəklərini bəyan edib.

44 yaşlı Nikoliçin son iş yeri Birləşmiş Ərəb Əmirliklərinin Super Kubokunu qazandırdığı "Şabab Əl-Əhli" klubu olub. O, ərəb təmsilçisindən mayın 30-da ayrılıb.

Onu da bildirək ki, “hərbçilər” Fedotovun məşqçilər korpsunda yer alanlardan 4 məşqçiylə də yollarını ayırdıqlarını açıqlayıb. Onlar arasında millimizin qapıçılarla işləyən sabiq məşqçisi, uzun müddətdi MOİK-də həmin vəzifədə işləyən Dmitri Kramarenkonun adı yoxdu. Görünür, onunla bağlı qərarı yeni baş məşqçi verəcək.