Millimiz ilk qələbəsini Türkiyə üzərində qazandı

Qadın futbolçulardan ibarət Azərbaycan millisi Avropa çempionatının seçmə mərhələsində növbəti oyununu keçirib.

Presssport.az xəbər verir ki  Siyasət Əsgərovun komandası B Liqasının I qrupunda Türkiyə yığmasını qəbul edib.

Mərdəkandakı qarşılaşma millimizi  1:0 hesablı qələbəsi ilə başa çatıb. Yeganə qolu 89-cu dəqiqədə Nigar Mirzəyeva rəqib qapısından keçirib.

Azərbaycan millisi bu qələbə sayəsində qrupda xallarının sayını 4-ə yüksəldib.

Xatırladaq ki, komandamız mayın 31-də "ay-ulduzlar"a səfərdə 0:1 hesabı ilə məğlub olmuşdu.