"Dinamo"dan Berdlyevin "Turan Tovuz"a gedəcəyinə reaksiya: "O, bizimlə müqaviləni istənilən vaxt ləğv etmək hüququna malikdi"

Mahaçqala "Dinamo"sunun baş direktoru Şamil Qazızov klub prezidentinin müşaviri Kurban Berdıyevın "Turan Tovuz"u çalışdıracağı xəbərinə münasibət bildirib.

Presssport.az xəbər verir ki, o, Rusiya mətbuatına açıqlamasında Berdıyevin klubu tərk etməsi ilə bağlı məlumatının olmadığını açıqlayıb: "O, ya klubda qala, ya da istədiyi vaxt buranı tərk edə bilər. Berdıyev müqaviləni istənilən vaxt ləğv etmək hüququna malikdi. Bu, heç bir maliyyə və ya digər öhdəliklərlə əlaqəli olmayacaq”.

Xatırladaq ki, Berdıyevin iyunun 18-də “Turan Tovuz"la müqavilə imzalamaq üçün ölkəmizə gələcəyi deyilir.