“Sabah”dan Madriddə 1 qələbə, 2 məğlubiyyət

İspaniyanın paytaxtı Madriddə keçirilən “MadCup” beynəlxalq turnirində iştirak edən “Sabah”ın U-10 komandası turnir çərçivəsində ilk oyunlarını keçirib.

Presssport.az xəbər verir ki, təmsilçimiz ilk matçında yerli “CDE DR Academy Sport”a böyük hesabla qalib gəlib – 8:0.

“Sabah”ın matçda qollarına Amin Adıgözəlov, Ayxan Hüseynli, Cavidan Ağayev (2), David Zeynalov, Mehbalı Qəhrəmanlı, Əbəlfəzabbas Qasımlı və Yusif Baxşıyev imza atıb.

Savalan Əlizadənin komandası növbəti oyunlarında ABŞ-nin “Doral” (0:2) və İspaniyanın “CF Pozuelo De Alarcon” (2:7) komandalarına məğlub olub. Son matçda “Sabah”ın qollarına Nihad Həsənov və David Zeynalov imza atıb.