Millimiz Monteneqroda təlim-məşq toplanışı keçəcək, beynəlxalq turnirdə iştirak edəcək

Minifutbol üzrə Azərbaycan milli komandası Bosniya və Herseqovinada keçiriləcək növbəti Avropa çempionatına son hazırlıq planlarını müəyyənləşdirib.

Presssport.az xəbər verir ki, Elşad Quliyevin komandası aprelin 23-dən Monteneqroda bir həftəlik təlim-məşq toplanışı keçəcək, daha sonra aprelin 30-dan mayın 1-dək Podqoritsada keçiriləcək beynəlxalq turnirdə iştirak edəcək. 

Burda Monteneqro, Rumıniya, Albaniya və Bosniya və Herseqovina millilərinin də iştirakı gözlənilir.

Qeyd edək ki, Avropa çempionatı iyunun 1-dən 9-dək Sarayevoda keçiriləcək.