Kulenoviç "Qarabağ"dan sonra da dubl etdi - Bakıya qalib gəlirlər

"Qarabağ"ın Çempionlar Liqasının pley-off mərhələsindəki rəqibi "Dinamo" Xorvatiya çempionatında IV turun oyununa çıxıb.

Presssport.az xəbər verir ki, Zaqreb təmsilçisi "Qoritsa"nı qəbul edərək 2:1 hesablı qələbə qazanıb.

Qələbədə əsas pay sahibi dubla imza atan (6-cı və 57-ci dəqiqələrdə) hücumçu Sandro Kulenoviç olub. Yeri gəlmişkən, zaqreblilərin “Qarabağ”ı 3:0 hesabıyla yendikləri ilk matçda da məhz bu forvard 2 qol vurmuşdu.

Xatırladaq ki, komandaların Bkaıdakı cavab görüşü avqustun 28-də Tofiq Bəhramov adına Respublika stadionunda keçiriləcək.