"Neftçi" ilk qış transferini reallaşdırdı

"Neftçi" qış fasiləsi dönəmində ilk transferini həyata keçirib. Presssport.az klubun mətbuat xidmətinə istinadən xəbər verir ki, Syerra Leone milli komandasının futbolçusu Alfa Konte ilə 3,5 illik müqavilə imzalanıb. 23 yaşlı sol cinah vingeri "Nefçi"də "20 nömrə"li formanı geyinəcək. Qeyd edək ki, son klubu Bolqarıstan yüksək liqa təmsilçisi "Lokomotiv" (Plovdiv) olan Konte bu movsüm yerli liqada 20 oyunda meydana çıxıb, 4 qol vurub və 3 qolun ötürməsini edib. O, 2023-cü ilin noyabrından Syerra-Leone millisinin 2 oyununa dəvət alıb.