“Səbail”in müdafiəçisi üçün 200-cü oyun

“Səbail”in futbolçusu Adil Nağıyev Azərbaycan çempionatlarında 200-cü oyununu keçirib.

Presssport.az xəbər verir ki, 29 yaşlı müdafiəçinin yubileyi Azərbaycan Premyer Liqasının XXIV turuna təsadüf edib.

Adil “Sabah”la ev görüşündə (2:0) sonradan meydana çıxıb.

Premyer Liqada debütü 2015/16 mövsümünə təsadüf edən Nağıyev həmin vaxt “Zirə”də forma geyinib. O, qəsəbə klubunda 83, “Sumqayıt”da 12, “Şamaxı”da 17, “Səbail”də 88 dəfə şans qazanıb. 200 oyunda 5 qolu olan müdafiəçi “Zirə”də 3, “Səbail”də 2 dəfə fərqlənib.

Qeyd edək ki, Adil ölkə çempionatları tarixində 200 və daha çox matç keçirən 149-cu futbolçudur.