Milli komandamızın rəqibinin yeni baş məşqçisi sabiq "Milan"lı oldu

Milli komandamızın UEFA Millətlər Liqasında rəqibi olan İsveç yığmasının yeni baş məşqçisi müəyyənləşib.

Presssport.az xəbər verir ki, İsveç Futbol Federasiyasının rəsmi saytı bu vəzifəyə Yon-Dal Tomasson təyin olunduğunu açıqlayıb.

Futbolçu karyerası dövründə “Milan”da çıxışıyla tanınan 48 yaşlı danimarkalı mütəxəssisin müqaviləsi 2026-cı ildə keçiriləcək dünya çempionatının seçmə mərhələsi başa çatana qədər nəzərdə tutulub. Milli uğur qazanacağı təqdirdə, müqavilə avtomatik daha 2 il müddətinə uzadılacaq.

Onu da bildirək ki, Tomassson bunadək İsveçdə çalışaraq 2020-21-ci illərdə bu ölkədə "Malmö" klubunu çalışdırıb. Onun rəhbərliyi altında komanda iki dəfə İsveç çempionu olub və Çempionlar Liqasının qrup mərhələsinə yüksəlib. Danimarkalı mütəxəssis 2022-ci ildən fevralın əvvəlinə kimi Çempionşipdən "Blekbern"in baş məşqçisi idi.

Xatırladaq ki, İsveç millisinin əvvəlki baş məşqçisi olan Yanne Andersson AVRO-2024-ün seçmə mərhələsindən sonra bu vəzifədən gedib. 61 yaşlı isveçli mütəxəssisin son matçı Bakıda yığmamıza 0:3 hesablı məğlubiyyət olmuşdu.