Musa Qurbanlı "Yurqorden"də növbəti qolunu vurdu, qələbə qazandılar

Millimizin futbolçusu Musa Qurbanlı “Yurqorden”də növbəti qolunu vurub. 

Presssport.az xəbər verir ki, gənc hücumçumuz sözügedən klubun U-21 komandasının heyətində oyuna çıxaraq fərqlənib.

Bu, Elit Liqa Kubokunda “Nörçeppinq”lə görüş olub. Əsas komandanın daha bir neçə üzvünün oyun təcrübəsi toplamaq iştirak etdiyi bu kubok qarşılaşması “Yurqorden”in 3:1 hesablı qələbəsi ilə yekunlaşıb. Qurbanlı penaltidən komandasının ilk qolunun müəllifi olub. Forvard sarı vərəqə ilə də cəzalandırılıb.

Qeyd edək ki, İsveç çempionatında yeni mövsümə martın 30-da start veriləcək. “Yurqorden” ilk oyununu aprelin 1-də səfərdə “Höteborq”la keçirəcək.