Lunyov millidən dəvət gözləyir: "Təkcə çağırılmaq yox, oynamaq istəyirəm"

“Qarabağ”ın futbolçusu Andrey Lunyov Rusiya millisindən dəvət gözləyir.

Presssport.az xəbər verir ki, bunu 32 yaşlı qapıçı öz ölkəsinə mətbuatına çıqlamasında deyib.

Lunyov yığmanın əsas heyət üzvü olmağı hədəflədiyini söyləyib: “Millidən zəng var idi, amma hələ dəvət yoxdu. Yığmanın qapıçılar üzrə məşqçisi Vitali Kafanov əlaqə saxlayaraq, Avropa Liqasındakı uğurlu çıxışa görə təbrik etdi. Milliyə təkcə çağırılmaq yox, oynamaq istəyirəm. Təbii ki, dəvət gözləyirəm”.

Qeyd edək ki, Rusiya millisi martda Serbiya və Paraqvay yığmaları ilə yoldaşlıq görüşləri keçirəcək.