"Qarabağ"ın futbolçusu Polşa çempionuna keçir

Millimizin və "Qarabağ"ın futbolçusu Rahil Məmmədov karyerasını Polşada davam etdirməyə çox yaxındı. Presssport.az Polşa mətbuatına istinadən xəbər verir ki, ilk dəfə legioner həyatı yaşayacaq 29 yaşlı mərkəz müdafiəçisi LKS-ə keçir. Rahilin Lodz təmsilçisinə transferinin tezliklə açıqlanacağı vurğulanıb. LKS vaxtilə Polşa çempionu olsa, hətta avrokuboklarda Azərbaycan klubuyla - 90-cı illərdə "Kəpəz"lə qarşılaşsa da, indi heç də yaxşı günlərini yaşamır. Təsadüfi deyil ki, lodzlular hazırda Polşa Ekstraklasasında 18 oyundan sonra 10 xalla sonuncu - 18-ci pillədə qərarlaşıb. "Neftçi"nin yetirməsi olan Rahil Məmmədov 2018-ci ildən "Qarabağ"da çıxış edir. Onu da bildirək ki, Rahilin LKS-ə keçəcəyi haqda Azərbaycanda ilk olaraq pressinq.az saytı xəbər yayıb.