“Beşiktaş”ın idman direktoru “Qarabağ”ın legioneri üçün Almaniyaya gedəcək

“Beşiktaş”in idman direktoru Samet Aybaba “Qarabağ”ın futbolçusu Juninyonu izləmək üçün Almaniyaya gedəcək.

Presssport.az xəbər verir ki, təcrübəli mütəxəssis Avropa Liqasının 1/8 final mərhələsinin “Bayer” – “Qarabağ” görüşünü tribunadan izləyəcək. 

O, eyni zamanda məşqçilər korpusunun gündəmində olan Leverkuzen təmsilçisinin iki futbolçusu - Borxa İqlesias və Timoti Fosu-Mensahın son durumu ilə də maraqlanacaq. Aybaba bundan 1 gün əvvəl isə Almaniyada Çempionlar Liqasının 1/8 final mərhələsində baş tutacaq “Borussiya” (Dortmund) – PSV qarşılaşmasını stadiondan seyr edəcək. 

Xatırladaq ki, “Bayer"lə “Qarabağ” arasında cavab matçı martın 14-də “BayArena”da baş tutacaq.