“Şahdağ”da Beynəlxalq Xizək Alpinizminə yekun vuruldu, Qəribova aktivinə 2 medal yazdırdı

“Şahdağ” Turizm Mərkəzində keçirilən Beynəlxalq Xizək Alpinizmi yarışına yekun vurulub. Presssport.az xəbər verir ki, yarışın sonuncu günündə vertikal növ üzrə üç yaş kateqoriyasında 11 ölkədən 60-dək idmançı mübarizə aparıb.

İki gün davam edən turnirdə Azərbaycan təmsilçisi Nəzrin Qəribova yığmanın aktivinə iki medal yazdırıb. U-23 kateqoriyasında çıxış edən idmançımız sprint yürüşü üzrə gümüş, vertikal növ üzrə bürünc medala yiyələnib.