Voleybol millimiz Antalyada təlim-məşq toplanışı keçəcək

Çimərlik voleybolu üzrə 18 yaşadək (U-18) oğlanlardan ibarət Azərbaycan millisi Türkiyənin Antalya şəhərində təlim-məşq toplanışı keçəcək.

Presssport.az xəbər verir ki, yığmamız bu məqsədlə qardaş ölkəyə yola düşüb.

Voleybolçular orda braziliyalı mütəxəssis Joanildo Kosta Juniorun rəhbərliyi altında 14 gün hazırlıq keçəcək.

Millimiz Türkiyənin U-18 yığması və digər yerli komandalarla yoxlama oyunlarında qüvvəsini sınayacaq.