Millimizdən 1:6 hesablı məğlubiyyətlə start

Bu gün 17 yaşadək qadın futbolçulardan ibarət Azərbaycan milli komandası Avropa çempionatının seçmə mərhələsində ilk oyununu keçirib.

Presssport.az xəbər verir ki, II turun B liqasının II qrupunda Bolqarıstan yığması ilə qarşılaşan millimiz 1:6 hesabı ilə məğlub olub.

Yeganə qolumuzu 25-ci dəqiqədə Xanım Əsədova vurub. 

Qeyd edək ki, Azərbaycan millisi turnirdə növbəti oyununu 3 gün sonra – martın 7-də saat 13:00-da Sloveniyanın müvafiq yaş qrupundan ibarət komandasına qarşı keçirəcək.