Veşoviç UEFA-ya danışdı: "Bu mövsüm əla komanda olduğumuzu sübut etdik"

"Qarabağ"ın futbolçusu Marko Veşoviç Avropa Liqasında "Bayer"ə səfərdə 2:3 hesabıyla məğlub olduqları avrokuboklarda mübarizəni dayandırdıqları görüşdən sonra fikirlərini bölüşüb.

Presssport.az xəbər verir ki, UEFA-nın rəsmi saytına danışan monteneqrolu sağ cinah müdafiəçisi üzüntüsünü ifadə edib: "Çox, çox məyus oldum. "Bayer"lə iki oyunda da yaxşı oynadıq, amma mükafatsız qaldıq. Bu, çox ağırılıdı. "Bayer" kimi komandaya qarşı 10 nəfərlə yaxşı mübarizə aparmaq böyük şeydi. Təzyiqi hər dəqiqə artırırdılar. Bununla belə, bu mövsüm əla komanda olduğumuzu sübut etdik. Gələn il yenidən cəhd edəcəyik".