Arda Turan "Qarabağ"a təşəkkür etdi

Türkiyə futbolunun əfsanələrindən olan Arda Turan “Qarabağ”a təşəkkür edib.

Presssport.az xəbər verir ki, 37 yaşlı məşqçi Avroliqanın 1/8 final mərhələsinin “Bayer” - “Qarabağ” oyunundan sonra şəxsi “İnstagram” səhifəsində paylaşım edib. 

Hazırda Türkiyə I Liqasında lider olan “Eyüpspor”un baş məşqçisi işləyən Arda bunları yazıb:

“Qarabağ" FK. Möhtəşəm mübarizə. Təşəkkürlər. Təbriklər”.

Xatırladaq ki, “Qarabağ” “Bayer”lə səfərdəki cavab matçında 2:0 hesabı ilə irəlidə olsa da, son dəqiqələrdə buraxdığı qollara görə uduzub və iki oyunun nəticəsinə əsasən (2:3, 2:2) mübarizəni dayandırıb.