Mehriban Əliyeva dünya çempionu olan cüdoçumuzu təbrik edib

Azərbaycanın I vitse-prezidenti Mehriban Əliyeva dünya çempionu olan cüdoçu Hidayət Heydərovu təbrik edib.

Presssport.az xəbər verir ki, M.Əliyeva bununla bağlı sosial şəbəkə hesablarında paylaşım edib: "Cüdoçu Hidayət Heydərovu dünya çempionu titulu uğrunda yarışlarda qələbə qazanması münasibətilə səmimi-qəlbdən təbrik edirəm! Mükəmməl çıxış edən idmançımız yenilməz iradə, əzmkarlıq və məharət nümayiş etdirərək parlaq və inamlı qələbə qazandı! Gərgin əməyinə, Azərbaycan azarkeşlərinə bəxş etdiyi sevincə görə cüdoçumuza təşəkkür edir, ona möhkəm cansağlığı, yeni-yeni qələbələr və nailiyyətlər arzulayıram!".