"Qarabağ"ın ÇL-dəki rəqibi cərimələnib

UEFA "Qarabağ"ın Çempionlar Liqasının (ÇL) pley-off mərhələsində rəqibi olmuş Zaqreb "Dinamo"su 50000 avro cərimələyib.

Presssport.az xəbər verir ki, buna səbəb Xorvatiya klubunun evdə Azərbaycan təmsilçisinə qarşı keçirdiyi pley-off mərhələsinin ilk oyununda yaşananlar səbəb olub.

Belə ki, meydan sahibləri "ictimai keçidlərin bağlanması"na görə 26000 avro ödəməli olacaq. "Dinamo" pirotexniki vasitələrdən istifadəyə görə isə 24000 avro ziyana düşüb.

Xatırladaq ki, həmin qarşılaşma Xorvatiya çempionunun qələbəsi ilə bitib - 3:0. Bakıda da qalib gələn zaqreblilər (2:0) Çempionlar Liqasının Liqa mərhələsinə vəsiqə qazanıb.