Boksçumuz II Dünya Olimpiya Təsnifat Turnirinə qələbə ilə başlayıb

Azərbaycan boksçusu Şamil Əsgərov Tailandın paytaxtı Banqkokda təşkil olunan II Dünya Olimpiya Təsnifat Turnirinə qələbə ilə başlayıb.

Presssport.az xəbər verir ki, 57 kq çəkidə qüvvəsini sınayan idmançımız 1/32 finalda Sinq-Yu Tso (Honkonq) ilə qarşılaşıb.

Döyüş Əsgərovun 4:1 (29:28, 28:29, 29:28, 30:27, 29:28) hesablı qələbəsi ilə başa çatıb.

O, ikinci görüşündə ilk mərhələdən azad olan Rujakran Jantronqla (Tailand) üz-üzə gələcək. Həmin döyüş mayın 28-də baş tutacaq.

Xatırladaq ki, boks millimiz yarışda 9 boksçu ilə təmsil olunur.