Paraatletimiz dünya çempionatında finala yüksəlib

Azərbaycan paraatleti Lamiyə Vəliyeva Yaponiyanın Kobe şəhərində keçirilən dünya çempionatında 400 metr məsafəyə qaçışda finala yüksəlib.

Presssport.az xəbər verir ki, idmançı təsnifat mərhələsində 56.57 saniyə ilə finiş xəttinə çatıb.

O, sabah həlledici raundda mübarizə aparacaq.

Xatırladaq ki, Vəliyeva bu yarışda 100 metr məsafəyə qaçışda qızıl medala sahib çıxıb.