Kişi voleybol millimiz 4-cü oyunda da məğlub olub

Azərbaycanın kişi voleybolçulardan ibarət milli komandası Qızıl Avropa Liqasında növbəti oyununu keçirib.

Presssport.az xəbər verir ki, yığmamız II turun 2-ci matçında Şimali Makedoniya milli komandası ilə üz-üzə gəlib.

Belçikadakı qarşılaşma rəqibin qələbəsi ilə yekunlaşıb - 3:0 (25:17, 25:17, 25:18).

Xatırladaq ki, keçən gün meydan sahiblərinə yenilən (0:3) millimiz Bakıdakı I turda Rumıniya və Ukraynaya da eyni hesabla uduzub. Fərid Cəlalovun komandası hazırda sonuncu - 12-ci yerdədi.