Qadın voleybol yığmamız yenə uduzdu

Azərbaycanın qadın voleybolçulardan ibarət milli komandası Qızıl Avropa Liqasında növbəti oyununu keçirib.

Presssport.az xəbər verir ki, Faiq Qarayevin komandası II turun 2-ci matçında İsveç yığması ilə üz-üzə gəlib.

Rumıniyadakı qarşılaşma rəqibin qələbəsi ilə bitib - 3:0 (25:19, 25:19, 25:19).

Xatırladaq ki, keçən gün Rumıniyaya (0:3) uduzan millimiz I turda Xorvatiyaya qalib gəlib (3:0), Slovakiyaya isə (1:3) məğlub olub.