Emin Mahmudov "Neftçi"nin tarixinə düşdü

Emin Mahmudov kapitanı olduğu “Neftçi”nin tarixinə düşüb.

Presssport.az xəbər verir ki, 32 yaşlı yarımmüdafiəçi Azərbaycan çempionatlarında “ağ-qaralar”ın formasını ən çox geyinən futbolçu olub.

Bu, Misli Premyer Liqasının XXXVI turunda rəsmiləşib. “Sabah”la ev oyunu Eminin “Neftçi”də 183-cü çempionat matçı olub. Bununla da o, uzun illərdir Bakı klubunun rekordçusu olan İqor Getmanın göstəricisini arxada qoyub. Sabiq müdafiəçi “Neftçi”də 182 çempionat matçına çıxıb. Mahmudov həmin rekordu hələ 31-ci turda təkrarlasa da, sonrakı 4 qarşılaşmada iştirak etməyib.

Xatırladaq ki, 2017-ci ildən “Neftçi”də çıxış edən Emin 183 görüşdə 41 qol vurub.