İlk dəfə avrokubokda finala çıxdı, Konfrans Liqasını qazandı

Konfrans Liqasının qalibi müəyyənləşib.

Presssport.az xəbər verir ki, Yunanıstanın "Olimpiakos" və İtaliyanın "Fiorentina" klublarının üz-üzə gəldiyi final matçında birincilər minimal hesablı qələbə qazanıb.

Afinadakı "AEK Arena"da baş tutan matçın əsas vaxtı 0:0 hesabı ilə nəticələndiyindən, qalibi müəyyənləşdirmək üçün hər biri 15 dəqiqədən ibarət əlavə iki hissə oynanılıb. 116-cı dəqiqədə florensiyalıların qapısına yol tapan El Kaabi "Olimpiakos"un qələbə topunun müəllifi olub.

Bununla da Pirey təmsilçisi tarixində ilk dəfə yüksəldiyi avrokubok finalında Konfrans Liqasının qalibi adını qazanıb.