"İrəvan"ın gələcək taleyilə bağlı "İcrakom" qərar verəcək

"İrəvan"ın AFFA bayrağı altında keçirilən turnirlərdə fəaliyyətini davam etdirməsi ilə bağlı məsələyə İcraiyyə Komitəsinin iclasında baxılacaq. 

Presssport.az xəbər verir ki, bu haqda jurnalistlərə AFFA-nın icraçı vitse-prezidenti Sərxan Hacıyev məlumat verib: “Bu komanda reqlamentə əsasən II Liqaya göndərilib. Əlbəttə ki, mövsüm ərzində xoşagəlməz hallar az olmayıb. Bu hallar nəzərə alınacaq”.

Xatırladaq ki, adı danışılmış oyunlar ətrafında hallanan “İrəvan” AFFA-nın Lisenziya Komissiyası tələblərinə cavab verə bilmədiyinə görə növbəti mövsüm üçün I Liqa yarışlarında iştirak üçün lisenziya əldə edə bilməyib.