"Turan Tovuz"un Berdıyevlə müqavilə bağlayacağı tarix müəyyənləşib

"Turan Tovuz"un baş məşqçi postuna gətirməyə qərar verdiyi Kurban Berdıyevlə müqavilə bağlayacağı tarix müəyyənləşib.

Presssport.az xəbər verir ki, bu barədə "RİA Novosti"yə "Turan Tovuz" klubunun İdarə Heyətinin sədr müavini Əli Balakişiyev məlumat verib.

Belə ki, 71 yaşlı türkmənistanlı mütəxəssis iyunun 18-də Bakıya gələcək və həmin gün onunla müqavilə bağlanacaq.

Xatırladaq ki, Berdıyev sonuncu dəfə Mahaçqala “Dinamo”sunu çalışdırıb və onda Rusiya I Divizionunun lideri olan klubdan qış fasiləsində gedib.