Kaşuka göz dikən klublarımızın diqqətinə - azad agent statusu alır

"Sabah"ın sabiq futbolçusu Aleksey Kaşuk "Şaxtyor"dan ayrılacaq.

Presssport.az xəbər verir ki, 23 yaşlı ukraynalı cinah yarımmüdafiəçinin müqavilə müddəti artırılmayacaq. 

Bununla da Kaşuk iyulun 1-dən azad agent statusuna yiyələnəcək. O, keçən mövsümdə Donetsk klubunda 12 matçda 4 qol vurub və 1 asist edib.

Xatırladaq ki, Aleksey 2022/23 mövsümündə "Sabah"da oynayaraq Premyer Liqamızın gümüş medalçısı olub. Onun adı vaxtaşırı iddialı klublarımızın ətrafında hallanıb.