AFFA Fernandu Santuşla müqavilə müddətini açıqlayıb

AFFA rəhbərliyi Azərbaycan milli komandasının yeni baş məşqçisi Fernandu Santuşla "3+1" illik müqavilə bağlayıb.

Pressport.az xəbər verir ki, bu barədə AFFA-nın icraçı vitse-prezidenti Sərxan Hacıyev portuqaliyalı mütəxəssisin təyinatı ilə bağlı danışarkən deyib.

Hacıyev Santuşun Polşa millisindən və Türkiyənin "Beşiktaş" klubundan təzminat alaraq ayrılmasına münasibət bildirib: "Bilmədiyimiz səbəblərə görə qərar vermək düzgün deyil. Məşqçinin ayrılması normaldı. Bizimlə müqaviləsi 3+1 illikdi. Təzminat və maddi məsələləri açıqlaya bilmərik. Bu normaldır".

Onu da bildirək ki, Santuşun qarşısına AVRO-2028-in seçmə mərhələsində uğurlu çıxış etmək məqsədi qoyulub.