Bu gün AVRO-2024 start götürür

Bu gün futbol üzrə XVII Avropa çempionatına start veriləcək.

Presssport.az xəbər verir ki, A qrupunun ilk matçında ev sahibi Almaniya millisi Şotlandiya yığması ilə qarşılaşacaq.

Münhendəki "Allianz Arena"da baş tutacaq görüşü fransalı FIFA referisi Kleman Tyurpen idarə edəcək.

Oyunun start fiti Bakı vaxtilə saat 23:00-da səslənəcək.

Bu qrupun digər qarşılaşması sabah saat 17:00-da Macarıstan və İsveçrə yığmaları arasında baş tutacaq.

AVRO-2024
A qrupu, I tur
14 iyun (cümə)

23:00. Almaniya - Şotlandiya
Baş hakim: Kleman Tyurpen (Fransa).
Münhen. “Allianz Arena” stadionu.