9 cüdoçumuz Qran Pridə mübarizəyə başlayır

Bu gün Portuqaliyanın Odivelas şəhərində cüdo üzrə Qran Pri turniri start götürür.

Presssport.az xəbər verir ki, yarışın ilk günündə 5 çəki dərəcəsində 9 cüdoçumuz tatamiyə çıxacaq.

Kişilər arasında -60 kq. çəkidə Balabəy Ağayev və Turan Bayramov, -66 kq. çəkidə Yaşar Nəcəfov və Kamran Süleymanov medallar uğrunda mübarizə aparacaq. 

Qadınlar arasında isə -48 kq. çəkidə Könül Əliyeva, -52 kq. çəkidə Aydan Vəliyeva və Gültac Məmmədəliyeva, -57 kq. çəkidə Fidan Əlizadə və Acelya Toprak güclərini sınayacaq.