Əvvəl millimizə qol vurdu, sonra Avropa çempionatları tarixinə düşdü

Albaniya millisinin futbolçusu Nedim Bayrami Avropa çempionatlarının tarixinə düşüb.

Presssport.az xəbər verir ki, “Sassuolo”nun hücumçusu AVRO-2024-ün ilk turunda İtaliya yığmasıyla görüşün 23-cü saniyəsində qol vurub.

Bununla da 25 yaşlı futbolçu Avropa çempionatları tarixinin ən erkən qoluna imza atıb.

Buna qədər rekord AVRO-2004-də 68-ci saniyədə qol vuran rusiyalı hücumçu Dmitri Kiriçenkoya məxsus idi.

Xatırladaq ki, Bayrami Azərbaycan millisinə Macarıstanda 3:1 hesabıyla qalib gəldikləri yoldaşlıq görüşündə də erkən qolla hesabı açmışdı.