Millimiz Bakıdakı dünya çempionatının qalibi oldu

Azərbaycan millisi Bakıda ilk dəfə keçirilən çövkən üzrə dünya çempionatının qalibi olub.

Presssport.az xəbər verir ki, Binə Atçılıq Mərkəzində baş tutan final görüşündə milli komandamız Mərakeş yığması ilə üz-üzə gəlib.

Qarşılaşma Azərbaycanın 2:0 hesablı qələbəsi ilə başa çatıb. Hər iki qolu millinin kapitanı Elçin Camallı vurub. Bununla da yığmamız bütün 5 matçını qalib gələrək, qol da buraxmadan çövkən üzrə ilk dünya çempionatının qalibi adını qazanıb.

Xatırladaq ki, dünya çempionatına iyunun 10-da start verilib. Yarışda 10 komanda 2 qrupa bölünməklə iştirak edib.