İngilis və serb azarkeşləri arasında dava oldu - 7 nəfər həbs olundu, cinayət işi açıldı

AVRO-2024-ün qrup mərhələsinin I turunun Serbiya - İngiltərə oyunu öncəsi qalmaqal yaşanıb.

Presssport.az xəbər verir ki, Almaniyanın Gelzenkirxen şəhərində ingilis və serb azarkeşlər arasında dava olub. Belə ki, britaniyalılar serb fanatların olduğu bara hücum edib. Daha sonra hər iki komandanın fanatları bir-birlərinə əşyalar atıb. 

Davadan sonra 7 serbiyalı azarkeş həbs edilib. Onlardan birinə ağır bədən xəsarəti yetirmək maddəsi ilə cinayət işi açılıb.

Xatırladaq ki, ötən gecə İngiltərə Serbiyaya 1:0 hesabı ilə qalib gəlib.