Paris-2024-ə məğlubiyyətlə başlayan idmançımız: "İlk Olimpiadamdı, istər-istəməz həyəcan vardı"

“İlk Olimpiadamdı. İstər-istəməz həyəcan var idi”. 

Presssport.az xəbər verir ki, bunu Azərbaycan badmintonçusu Keişa Fatimə Zəhra Fransanın paytaxtı Parisdə təşkil olunan Yay Olimpiya Oyunlarındakı ilk matçı ilə bağlı danışarkən deyib.

N qrupunda He Bin Çzyaoya (Çin) uduzan (0:2) idmançımız rəqibinin iddialı olduğunu söyləyib: “O, dünyanın 6-cısıdı və bura medal ardınca gəldiyini gizlətmir. Əlimdən gələni etməyə çalışdım. Çalışacam növbəti oyunda daha yaxşı çıxış edim”.

Xatırladaq ki, Zəhra növbəti görüşünü iyulun 29-da Böyük Britaniya təmsilçisi Kirsti Gilmora qarşı keçirəcək.