Rahil Məmmədov LKS-də 3-cü matçında 30-cu dəqiqədə əvəzləndi

Millimizin futbolçusu Rahil Məmmədov LKS-nin (Polşa) heyətində növbəti oyununu keçirib.

Presssport.az xəbər verir ki, komanda qış təlim-məşq toplanışı çərçivəsində Serbiyanın “Radniçki” klubu ilə qarşılaşıb.

Görüş 1:1 hesabıyla başa çatıb. Məmmədov start heyətdə meydana çıxıb və 30-cu dəqiqədə, hesab 1:1 olarkən əvəzlənib. Bu, onun yeni komandasının heyətində 3-cü matçı olub.

Xatırladaq ki, Rahil bu ay "Qarabağ"dan Polşa klubuna keçərək 1.5 illik müqavilə imzalayıb.