UEFA Veşoviçin cəzasını açıqladı

Avropa Liqasının qrup mərhələsinin son turunda "Hekken"lə Bakıdakı oyunda birbaşa qırmızı vərəqə alan "Qarabağ"ın futbolçusu Marko Veşoviçin cəzası açıqlanıb.
Presssport.az xəbər verir ki, UEFA monteneqrolu sağ cinah müdafiəçisini 1 oyunluq diskvalifikasiya edib.
Bununla Veşoviç pley-off mərhələsində "Braqa"ya qarşı keçiriləcək səfər matçını buraxacaq. O, Bakıdakı cavab görüşündə meydana çıxa biləcək.
Xatırladaq ki, "Qarabağ" "Braqa" ilə ilk oyunu fevralın 15-də Portuqaliyada keçirəcək. Cavab görüşü isə 22 fevralda Bakıda olacaq.