"Fehervar" - "Sumqayıt" matçı bu kanalla canlı yayımlanacaq - şərh Bakıdan olunacaq

Bu gün "Sumqayıt" Konfrans Liqasının II təsnifat mərhələsində "Fehervar"la Macarıstanda cavab oyununa çıxacaq.

Presssport.az xəbər verir ki, matça "İdman TV" kanalı vasitəsi ilə açıq yayımla baxmaq mümkün olacaq. Sekeşfexervarda “MOL Arena Şoşto”dakı görüş Bakı vaxtı ilə saat 21:00-da başlayacaq.

Onu da bildirək ki, qarşılaşma Bakıdan şərh olunacaq və bunu studiyadan Nurlan Hacıyev edəcək. O, Sumqayıtdakı görüşün də şərhçisi olaraq, bunu Mehdi Hüseynzadə adına şəhər stadionundan reallaşdırmışdı. 

Xatırladaq ki, bu komandalar arasında ilk oyun "Ferehvar"ın 2:1 hesablı qələbəsi ilə yekunlaşıb.