Paris-2024: Azərbaycan medal sıralamasında 23-cü pillədə qərarlaşıb

Azərbaycan Fransanın paytaxtı Parisdə keçirilən Yay Olimpiya Oyunlarında medal sıralamasında 23-cü pillədə qərarlaşıb.

Presssport.az xəbər verir ki, hələlik komandamızın aktivində 1 qızıl mükafat var.

Bu, cüdoçu Hidayət Heydərovun (73 kq) iyulun 29-da Olimpiya çempionu adını qazanmasıyla reallaşıb.

Ölkəmizlə birlikdə Argentina, Sloveniya, Serbiya və Özbəkistan da bir qızıl medalla 23-cüdü.

Qardaş ölkə Türkiyə (1 gümüş, 1 bürünc) 32-ci, Gürcüstan isə 14-cü (1 qızıl, 1 gümüş) sıradadır.

İlk "3-lük"də Çin (9 qızıl, 7 gümüş, 3 bürünc), Fransa (8 qızıl, 10 gümüş, 8 bürünc) və Yaponiya (8 qızıl, 3 gümüş, 8 bürünc) yer alıb. Hələlik 47 ölkə medal əldə edə bilib.

Xatırladaq ki, Paris-2024 avqustun 11-də başa çatacaq.