Pərviz Musayev "MOL Arena"dan danışacaq

“Zirə”nin Avropa Liqasının II təsnifat mərhələsində “DAC 1904” ilə bugünkü cavab matçı “CBC Sport”la canlı yayımlanacaq.

Presssport.az xəbər verir ki, oyun yerindən şərh olunacaq.

Belə ki, adıçəkilən telekanalın şərhçisi Pərviz Musayev "qartallar"la birgə Slovakiyaya yollanıb. O, Dunayska Streda şəhərində Bakı vaxtilə saat 22:30-da başlayacaq görüşü "MOL Arena"dan şərh edəcək.

Xatırladaq ki, Rəşad Sadıqovun komandası Mərdəkandakı ilk matçda böyük hesabla qalib gəlib - 4:0.