Səlahət Ağayev rəsmən I Liqa klubunda

Yeni mövsümün hazırlığını davam etdirən “Qəbələ” heyətinə daha bir futbolçu qatıb. 

Presssport.az klubun mətbuat xidmətinə istinadən xəbər verir ki, qapıçı Səlahət Ağayev yenidən “qırmızı-qaralar”ın formasını geyinəcək. 

33 yaşlı qolkiperlə 1 illik müqavilə imzalanıb.

Son klubu “Səbail” olan Ağayev 2022-2023-cü illər mövsümündə də “Qəbələ”nin formasını geyinərək 34 oyun keçirib. Qolkiper Premyer Liqada 30, ölkə kubokunda 2, avrokuboklarda 2 matça çıxıb. Qapıçı karyerası ərzində Premyer Liqada “İnter” (2008-2015, 2016-2017), MOİK (2011, icarədə), “Sumqayıt” (2012-2013, icarədə, 2016), “Neftçi” (2017-2021), “Sabah” (2021-22) və “Səbail”in (2023-24) də formasını geyinib. Səlahət 2010-cu ildə debüt etdiyi Azərbaycan millisinin heyətində 21 oyun keçirib.

Xatırladaq ki, yeni mövsümdə I Liqada çıxış edəcək “Qəbələ” bunadək qapıçı Müşfiq Nadirov, müdafiəçi Vüqar Həsənov və yarımmüdafiəçi Urfan İsmayılovu da heyətinə qatıb.