"Zirə"də Xorvatiyadakı oyunöncəsi heyətlə bağlı ciddi problemlər

“Zirə” Konfrans Liqasının III təsnifat mərhələsində Xorvatitanın "Osiyek" klubuyla ilk oyunöncəsi heyətlə bağlı ciddi problemlərlə üzləşib.

Presssport.az xəbər verir ki, bu haqda qəsəbə təmsilçisinin baş məşqçisi Rəşad Sadıqov jurnalistlərə məlumat verib: "Rafael Utsiq zədələnib. Slovakiyadakı matçdan ayağında ağrılar hiss etdi, əzələ dartması var. Tiaqo Silva, Pyer Zeblidə də həmçinin zədələr var. Onlar bizim üçün çox önəmli oyunçulardı. "Osiyek"ə qarşı oynayıb-oynamayacaqları yaxın günlərdə bilinəcək".

Onu da bildirək ki, “Zirə”nin son trasnferi olan təcrübəli gürcü yarımmüdafiəçi Georgi Papunaşvili hələ hazır olmadığından bu rəqiblə hər 2 oyunu buraxacaq.

Xatırladaq ki, zirəlilər "Osiyek"lə ilk görüşü avqustun 8-də səfərdə keçirəcək.