Paris-2024: Stadnik qələbəylə start götürdü

Azərbaycanın qadın güləşçisi Mariya Stadnik Fransanın paytaxtı Parisdə keçirilən Yay Olimpiya Oyunlarında mübarizəyə başlayıb.

Presssport.az xəbər verir ki, 50 kq çəki dərəcəsində yer alan 36 yaşlı idmançımız 1/8 finalda almaniyalı Anastasiya Blayvasla üz-üzə gəlib.

Rəqibinə 6:2 hesabı ilə qalib gələn Stadnik 1/4 finala vəsiqə qazanıb. O, bu raundda Monqolustan təmsilçisi Otqonjarqal Dolqorjavla görüşəcək.

Xatırladaq ki, Mariyanın karyerasında hələ ki yalnız Olimpiya qızılı yoxdu.